Në seancën e kaluar, avokatët e Veliajt kundërshtuan masën “arrest në burg” dhe kërkuan zbutjen e saj, duke ofruar garanci pasurore. Prokuroria e Posaçme kërkoi mbajtjen në fuqi të masës aktuale, ndërsa gjyqtari Engert Pëllumbi shtyu vendimin për t’u njohur me prova të reja të paraqitura nga SPAK.

Erion Veliaj, i cili ndodhet në paraburgim që prej 10 shkurtit, akuzohet për korrupsion dhe pastrim parash. Seanca e nesërme pritet të jetë vendimtare për të ardhmen e tij ligjore.