Pas festave të fundvitit të kaluar me familjet e tyre në Shqipëri, emigrantët shqiptarë po rikthehen në vendet e tyre të punës në Greqi.
Kjo ka sjellë një rritje të ndjeshme të fluksit në pikat kufitare.
Sipas burimeve zyrtare, në pikën kufitare të Kapshticës, gjatë 24 orëve të fundit, janë regjistruar 6925 shtetas që kanë kaluar drejt vendit fqinj. Për të shmangur radhët e gjata, policia kufitare ka vënë në funksion 4 sportele në dalje dhe 2 në hyrje.
Ndërkohë, një fluks i ngjashëm është vënë re edhe në pikën kufitare të Qafë Thanës, ku mbi 8000 shtetas kanë hyrë dhe dalë në harkun e një dite. Në këtë pikë, policia kufitare ka aktivizuar 4 sportele, nga të cilat njëri është i dedikuar për mjetet e tonazhit të rëndë.
Autoritetet kufitare vazhdojnë të punojnë me intensitet të lartë për të garantuar një qarkullim të rregullt dhe për të minimizuar kohën e pritjes për udhëtarët. Rritja e fluksit pritet të vijojë edhe në ditët e ardhshme, ndërsa emigrantët vazhdojnë kthimin në destinacionet e tyre pas pushimeve.
Leave a Reply